Vawiina Aizawl Press Club-a thuthar lakhawmtute a kawmnaa zawhna chhanga he thu hi sawiin, Pu Liansuama chuan, Central lama an thlawp tur chu an la sawi thei mai lo tih sawiin, BJP kaihhruai NDA bakah Congress kaihhruai UPA leh Third Front-te pawh zawm tur a awm a, tun dinhmunah chuan BJP kaihhruai NDA thlawptu ni mah se, BJP chu an sorkar chhunzawm leh ngei dawn tih hriat a la nih loh avangin an thlawp tur chu sawi lawk theih a ni lo tih a sawi. Pu Liansuama chuan, Mizorama MP leh Bye Election neih tawha rorel lai Candidate-te an tling deuh ziah nia sawiin, tun \uma Lok Sabha leh Aizawl West I biala Bye Election neih turah pawh MNF Candidate-te an tlin ngei a rinawm tih a sawi a, MP-a MNF Candidate, Pu C. Lalrosanga chu rorel lai Candidate a nih piah lamah kil hrang hrang a\anga thlirin Mizoram aiawh atan a itawm hle a ni, a ti a. Aizawl West I bial chu kum 10 chhung Oppsosition bial an ni tawh avangin Bye Election neih turah MNF candidate, Pu Zothantluanga chu mipuiten thlan tlin ngei an tum niin a sawi.
MNF kaihhruai Sorkar chu thla thum vel chauha upa a ni chungin mipui tan hna tam tak an thawk tawh tih a sawi a. An lo intiam tawh angin zu khapna dan pass nghal a ni a, sikul \an hun pawh mipui tam ber mil tura siam rem mek niin, lirthei a\anga Raod Tax kum 15 chhung lak \hin pawh mipuite remchan dana chi 3-a pek theih tura ruahmanna siam a ni a, eirukna a bo theih nan Lokayukta pawh ruahman fel a ni tawh a. Thisen sawngbawlna man lak \hin pawh tihtawp tawh niin, hmun hrang hrangah inkalpawhna kawngpui siam\hat mek a ni a, District thar 3 bul\an nan kum danga la awm ngai lo Budget-ah sum dah a ni a, Chakma Autonomous District Council-ah MNF sorkar a piang tawh bawk tih sawiin, heng kawng hrang hranga sorkar hmalaknaah hian mipui an lawm rih hlea a lan avangin heng inthlan chi hnih hmachhawn turah hian MNF Candidate-te chu an tling ngei dawn nia a lan thu a sawi.
