Aizawl Sipai Lammuala Remna Ni lawmna inkhawm-ah hian inremna a awm theihna tura sul lo sutu zinga mi Pu Lalduhoma MLA, Rev. Dr. Zairema, Rev. Dr. Lalgurauva Ralte leh Rev. Dr. HS. Luaia te chawimawina hlan an ni.
MNF party president, Chief Minister Pu Zoramthanga chuan thu sawiin remna thuthlung chu MNF emaw, India sorkar emaw zoram mipuite emaw duhthusam ang taka siam ni lo mahse pawm tlan theih leh sirtluk tlan theihna a siam, Pathianin \ha a tih anga zofate a pek a ni a ti a, remna thuthlung chu a ropui a, humhim tlat a ngai a ni a ti.
Pu Zoramthanga hian, remna zawngin MNF leh India chu kum 1976 khan khawvel hriatah an inbe \an tih sawi a, remna zawnga inbiakna hian kum 15 lai a awh a, inremna neih a nih theih nan Political party hrang hrang, Kohhran hrang hrang, zirlai, NGO leh mipuiten \awng\aina nen theitawpin hma an la a, kum 1986 June ni 30 khan inremna ziah a ni ta a ni a ti a, inremna ziah zan tluka Mizoram mipui hlimna kha ala awm ngai lo a ni a ti.
A nep zawnga remna sawina te, a nuihzat zawnga sawina te a tam \hin tih Pu Zoramthanga hian a sawi a, tunah erawh \hangthar te thinlungah a thawk chho zel a, zirlai pawl ten a ring thei ang ber leh pawimawh thei ang berin an aupui ta a, inremna chu a nep zawng leh a nuihzat zawng a sawi ngam an awm tawh dawn lo a ni a ti.
MZP President Pu L Ramdinliana Renthlei pawhin thusawiin Mizo ten hun khirh leh hun harsa paltlangin, tuboh leh dolung inkarah kum 20 chhung mipuite an awm a, hnam pasal\ha te leh India Sorkarin inremna thuthlung an ziak ta a, he remna hi Mizo te tan a hlu hle a ni ti a, Mizo ten Remna Ni chu a hlut tur angin an hlut lo zel nia lang chu MZP chuan \ha lo a tih avangin remna ni lawmna buatsaih an nih thu a sawi. Pu L Ramdinliana Renthlei chuan, remna Ni chu hnam pasal\ha ten thisen a an leichhuah a ni tih a sawi a, Politics a in sawiselna atana hman tawh loh a duh thu a sawi bawk.
Remna Ni lawmnaah hian zirna in hrang hrang ten cheraw kanpui an entir bakah St Joseph HSS zirlai ten rambuai lai hlimthla lemchan an entir a, Political party aiawh hrang hrangten thu an sawi bawk.
