An party office Mizo Hnam Run inkhawm ah thu sawiin, Information and Public Relations Minister Pu Lalruatkima hian, Chief Minister Pu Zoramthanga chu ram hmasawnna tura ngaihtuahna tak tak seng, hmathlir \ha tak nei a ni a ti a, a hmathlir ang zan khat pawh ngaihtuah peih lo leh pha lovin fiamthu thawhna lam hawia an bei chu thil \ha lo tak a ni a, tuna ram hruaitute chu a fing ber leh a \ha ber ni lo mah se, thil \ha tih duh leh tumna lian tak nei an ni a, tun dinhmuna maiah pawh hmuh theihin ramin hma a sawn a ni a ti.
Pu Lalruatkima hian, Congress hruaitute chu Ram leh hnam tana thil \ha lo tam tak an tih vanga mipuiin an hnawl tawhte an ni a ti a, tunhnaia hruaitu thar pathum an tlarte chu beisei tur an awm lo hle a, hruaitu thar an thlan danah mipui hnawl an nih hnu pawha insiam \hat tumna a awm lo tih a lang chiang a ni a ti.
Chief Minister Pu Zoramthanga kaihhruai Sorkar-in term pawh chelh zo lo tur anga congress party hotuten an sawi chu chhangin Pu Lalruatkima hian, MNF hnathawh ropui tak tak an hmu a, an mi leh sa ten MNF an zawm nasa lutuk tur uibeh nan an kak ve mai a ni a ti.
Pu Lalruatkima hian, Sorkar liamta Congress chu Manifesto nei ve mah se, Prism-in an enzui a, an term tawp thleng khan tihhlawtlin an nei mang lo nia sawiin hetihlai hian thla 7 vel chauh MNF in thuneihna a chan chhungin manifesto tihhlawhtlin a tam tawh hle a, Mau leh rua hmanga Mizoram sum leh pai dinhmun chawisan tumnaah Chief Minister Pu Zoramthanga chu a chiang hle tih a sawi.
