He thu hi vawiina MNF party Office Mizo Hnam Run chhung inkhawmah sawiin, Pu Lalruatkima chuan, Congress-in kum 10 ro an rel chhungin ram dang a\anga Mizorama pemlutte a ngaihthah a, heng mite lo dan emaw chhianchhiah emaw ni lova, eng hmalakna mah an kalpui loh vang a ni, a ti. Pu Lalruatkima chuan, MNF Sorkarin Assembly Budget Session hmasaberah Mizoram khua leh tui dik takte chhianchhiahna tur, The Mizoram Maintanance of Household Registers Bill, 2019 a pass nghal tih sawiin, hemi hmang hian khua leh tui dik leh dik lote chu khaw tinah chhianchhiah a ni dawn a, hetiang dan hi Congress sorkar khan lo siam nise chuan CAB hlauhna chu a nep sawt a rin thu leh CAB 2016 hian Congress mawng a hlim chian hle nia a hriat thu a sawi. Pu Lalruatkima chuan, MNF chu Citizenship Amendment Bill, 2016 dodal nasa bertu a ni tih sawiin, Chief Minister Pu Zoramthanga’n Prime Minister leh Union Home Minister hnenah na takin he Bill an duh loh thu a hrilh a, Cabinet Meeting leh Assembly House-ah pawh he Bill duh lohna pass a ni a, an khingpuite hian CAB dodalin vawi khat pawh Delhi an thlen an hriat loh thu a sawi.
I&PR Minister ni bawk, Pu Lalruatkima chuan, Lok Sabha leh Aizawl West I bye Election neih tur atana \angrual pawl intite chu nikum lawka nasa taka inbei, Blood group inang lo an nih avangin Ashoka Pillar-a Sakei lu inhnung chhawn angin an rilru chhungrilah an in hnuchhawn niin a sawi a. Hei hian an thawh dunna chu awmze nei lo a ni tih tilang chiang hle a ni, a ti. MNF chu an khingpuiten Citizenship Amendment Bill bak beihna tur dang an hre lo nia sawiin, Pu Lalruatkima chuan, Congress leh an \anrualpui ZPM in Sorkar hmasa hnuhma chhiatzia an mitthlaah a la cham reng a, MNF chu Mizo Nationalism kengtu ram, hnam leh sakhaw himna chu engtik lai pawha an ngaihtuah leh an dah pawimawh ber a nih avangin MP thlanna leh Bye Election neih turah MNF an chak ngei dawn niin a sawi. He inkhawm hi an pawl Adviser Pu HB Lianmunga’n a kaihruai a ni.
