Nimina Congress Bhavan-a inkhawmah Pu Lal Thanhawla chuan, MNF kaihhruai sorkar chu tla thei reng dinhmunah a ding mek a ni, a ti a. Tunah hian Chief Minister, Pu Zoramthanga tiamin MNF hruaitu lawk tak takten eiruk thubuai pahnih pathum an nei a, lung in tang thei reng an ni a, nilainia an party inthlan buaipui tura an sawm College zirtirtu tam tak pawhin Congress party chu an thawh leh vat an rin thu leh thuneihna an chan leh thuai an rin thu an hrilh tih a sawiin, MNF Party-in amah an beih angin bei let ve duh se chuan beih letna tur tam tak an hriat thu leh chungte chu an hotuten a \ul anga an ngaihtuah chhoh tur thu a sawi.
Pu Lal Thanhawla chuan MNF-in ramhnuai leh an sorkar hmasa kum 10 chhunga ram an tihchhiat chu Congress kaihhruai sorkar-in a siam\ha a, tuna sorkar-na an chelh leh hnuah ram an tihchhiat \an leh mek avangin a siam\ha turin Congress Party chu an inbuatsaih sauh sauh a ngai a ni a ti.
Pu Lal Thanhawla chuan, Congress kaihhruai sorkar a din reng rengin Pathian thuah innghahna Ram thuvawn an neih \hin a, hei hian an hotute pawh nasa takin an kaihruai thin tih a sawi a, Mizoramah Kristian an tam ber a, Sorkar anga an hmalakna pawh mite tana malsawmna nih a ngai a, hei hi an thuthlung a nih angin an sorkar chhungin midang tan malsawmna tam tak an thlen tawh \hin tih a sawi a, Mizoram hmasawnna ruhrel lian zawng zawng deuh thaw chu Congress Sorkar laia din deuh vek a ni a, Mizorama remna leh muanna a awm theih chhan pawh an Party hmalakna vang a ni tih a sawi.
