MNF inthlan pamphlet nia sawi an chhuaha ‘Zoram Peoples Movement leh BJP an thawkho dawn em’ tih avang lungawilohna ZPM-in nimina Chief Electoral Officer, Pu Ashish Kundra hnena thu an thehluh bawhzuia Chief Electoral Officer-in insawifiah tura MNF Party a hriattirna chu vawiin khan MNF chuan a chhang a, lehkha hi Media & Publicity & IT Monitoring Cell MNF Gen. Hqrs tih chhuah a ni lo niin an sawi.

MNF chuan tuna Mizoram Assembly inthlanna neih turah hian Zoram Peoples Movement hminga sawiselna thehlut turin Pu Lalliansawta hian dinhmun engmah a nei lo tiin CEO chu a hrilh a, ZPM chu Mizoram Assembly inthlanna kumina neih turah hian dinhmun engmah nei lo niin a sawi a ni.

MNF chuan heng lehkha te hi MNF candidate emaw, an agent te emaw, midangten emaw inthlannaa an ham\hatna atan an sem darh lo niin a sawi a, he lehkha hi midangte inkara inhuatna emaw, hnam hrang leh sakhaw hrang betute inkara inhriatthiam lohna tichhuak thei chi a ni lo nia sawiin, an lehkha thehluhah chuan chutiang thil \ha lo chhuahna hmun sawi a awm lo niin an sawi bawk. MNF chuan he lehkha hi MNF Media & Publicity & IT Monitoring Cell Aizawl Mizoram chhuah a ni lo niin a sawi a, heng lehkhate hi pamphlet emaw, poster emaw an ni lova, inthlanna atana \angkai tur thil awm lo leh history-a thu tak leh thil dik tarlanna mai a ni an ti a, hei hi Constitution Article 19-na sub clause one (a) anga mitin dikna leh chanvo a ni an ti.