MNF in zalenna a sual laia nunna chan mi 14 ramhnuaia phum te ruhro tunhnaia Vaphai leh Farkawn a\anga lak te chu vawiin khan MNF Party office Mizo Hnam Run thlenpui a ni a, MNF party hotu leh Hnam Sipai la dam leh party mipuiten an lo dawngsawng a ni.

Hemi puala inkhawm buatsaihah MNF National Core Committee member Pu K.Vanlalauva chuan Mizoramin remna a neih chu hnam sipai Martar-te thisen hrinchhuah a ni a ti a, Martar-te chu anmahni leh MNF tan an thi lova Mizo hnamin zalenna a neih theihna tura an beihna avanga thi an ni a ti a, an thisen ral raih thlenga tuartute inpekna chu tuna la dam te hian chhawmnun a \ul a ni a ti.

Inkhawm hi Ex-MNA President Pu Rochungnunga’n a kaihruai a, martar ruhro kuang chungah MNF party hruatuten pangpar an dah bakah zahna leh sunnan ngawi rengin minute 1 chhung an ding a ni.