MNF General Headquarters buatsaih Martar ruhro thlahna inkawm Vanapa Hall-a neih hi an pawl National Core Committee member Pu K Vanlalauva’n a kaihruai a, an mahni zahna leh sunna lantirin kalkhawmte minute khat chhung ngawi rengin an ding a, kuang chungah pangpar an dah bakah sipai kahlhum chhungte hneah an party Vice President Pu R Tlanghmingthanga’n Holy Bible a hlan \heuh a, Ex Mizo National Army Association Vice President Pu C Zama’n an chanchin tawi a sawi hnuah martar chhung ten thu an sawi bawk. Rruhro te hi Luangmuala martar thlanmuala dahna tura siamah an dah a ni.
An party President, Chief Minister Pu Zoramthanga chuan, Martarte chu an huaisenna emaw, an thiamna emaw vanga chawimawi chhan tur nei lo pawh nise ram leh hnam tana an nun an hlanna chu chawimawi an phuna a ni a, mi zawng zawngin an chawimawi a ni a ti.
Pu Zoramthanga chuan, mi\henkhatin hnam martarte chu Politics khelh nan hmangah MNF an puh tih a sawi a, hnam martarte sakruang, ruhro leh kuangte chu engkim atana hman tlak a ni zawk a, selna thu chhak chhuaktute hian an hre lo hle zawk a ni a ti a, martarte hian an engkim ram leh hnam tan an hlan a, hemi avang hian ram ropui zia sawi nan te, Mizo te sakhua ropui zia sawi nan te, Politics a intuaithar nan te hman tlak a ni vek zawk a, \hangtharte pawhin an la rawn hmang zel dawn a ni a ti.
Pu Zoramthanga chuan Pathian leh kan ram tan titu MNF party chu a dintirh kum 1961 a\anga tun thlengin vawi khat pawh a la danglam lo a, a hming pawh thlak a la ni lo a ti a, an party chu Pu Laldenga leh hruaitu dangah an innghat ringawt lova, thuthlung pe tu Pathianah an inghat zawk nia sawiin, hei vang hian do hneh theih lohin a awm niin a sawi.
MNF chu NDA a an tel avangin BJP lam \ang an ni tia MNF party puhna chhangin Pu Zoramthanga chuan, MNF hian BJP a \an ngai lova a party a ni bawk lo a, MNF Party chu mahni a kum 60 deuh thaw thuthlunga ding tawh a ni a, hetianga puhtute chu kum 30 pawh ding hlei thei lo thle kual mai mai an ni a ti.
