He thu hi vawiina Aizawl Press Club-a thuthar thehdarhtute a kawmnaah sawiin, Pu Lalremruata Chhangte chuan, Aizawl khawpui a\anga Assam Rifles sawn chhuak turin kum 1987-a Pu Laldenga kaihhruai MNF ministry hmasa ber a bei \an niin a sawi a, an awmna tur pawh tihfel a nih thu leh zangnadawmna pawh cheng nuai 92.59 pek chhuah a nih thu sawiin, Assam Rifles sawn chhuan hna hi sorkar a inthlak avangin tihpuitlin lohin a awm ta a, kum 1998-a Pu Zoramthanga kaihhruai MNF sorkar a din leh khan Assam Rifles te sawnchhuah an nih theih nan nasa takin hmalak chhunzawm a ni a, an awmna hmun thar siamna tura sum sen tur cheng vaibelchhe 140 chuang pawh sorkar laipui a\anga dil a nih thu te a sawi a, hetihlai hian MPCC chuan MNF sorkar hmalakna tih\huanawp tumin, mipui hnenah AR Lammual hlan a nih lohna turin resolution an
pass a, Central-a Congress sorkar lai a nih avangin Assam Rifles te chu sawnchhuak hman lovin MNF sorkar chu a tla zui ta a ni a ti. Congress kum 10 a sorkar chhungin hmalakna a awm lo nia sawiin, MNF-in sorkarna a chan a\anga thla 3 pawh a pumhlum hmain Chief Minister, Pu Zoramthanga nawrna avangin Assam Rifles te sawn chhuahna tur thupek sorkar laipuiin chhuah niin a sawi a ni.
Pu Lalremruata Chhangte chuan, Campaign au hlaa an hman School kai hun ennawn a nih tur thu an sawi angin Mizo khawtlang nun milin School kai hun tihdanglam a ni te, damlote harsatna tawh lian tak thisen man chawi ngai \hin pawh sorkar tirh phatah tihtawp nghal a nih thu te, kawngpui \ha nei turin hmalak nghal a nih bakah zu zawrh tihtawpna dan thar pawh Assembly-a pass theih tura sorkar hmalak mekna te chu chhuanawm an tih thu sawiin, Manifesto kan inziah \hat siak mai mai ti ve lo Pu Zoramthanga kaihhruai sorkar Mizoramin a nei chu vanneihthlak an tih thu a sawi bawk.
