Thisen petute hi mipa 67 leh hmeichhe 6 an ni a, Civil Hospital Blood Bank-a thawktuten kalchilhin thisen hi an laksak a ni. Vawiina MNF \halaiin thisen an pek lai hi Health Minister, Dr. R. Lalthangliana chuan tlawhin, an party \halaite thil tih chu chhuanawm a tih thu a sawi a. Sorkarin thisen sawngbawlna man a titawp ta chuan damlo harsa zawkte tan awlsamna tam tak a thlen a beisei tih a sawi a, Association for Voluntary Blood Donation hotute nen an inkawm tawh thu leh theihtawp chhuaha hmalak ho zel an inhuam thu an hrilh tih sawiin, mimal, kohhran leh tlawmngai pawlte chu damlo mamawhte tana thisen pe zui zel turin a sawm a ni. Dr. R. Lalthangliana chuan, damlo a thlawna an inenkawl theih nana sorkar-in Health Care Scheme a kalpui tur chu a hautak dawn hle tih sawiin, theihtawp chhuah an tum thu a sawi bawk a, hemi chungchang hi mimal enkawl damdawi in hotute pawh a sawipui tawh tih a sawi a ni.
MNF \halaiin thisen pek runpui an buatsaih hi an party Vice President, Health Minister hlui Pu R. Tlanghmingthanga pawhin a tlawh a. MNYF President, Assembly Dy. Speaker Pu Lalrinawma pawhin thisen pekna hmun hi ni lengin a \hutchilh a ni.
