Vawiina East Phailenga an party intawhkhawm a hmanpuinaah thu sawiin a hmalak tum dan hi an party President pawh a sawipui tawh niin a sawi a, Mizoram, Assam leh Manipur nena inkalpawhna kawngpuite chu siam \hat a nih tur thu a sawi. Pu Lalchhandama Ralte chuan, Congress Sorkar-ah Tuivawl bialin an chanvo tur dik tak an chang phak lo niin a sawi a, zirna in hrang hrangah zirtirtu awm mumal lohna a tam bakah mipui innghahna tlak Damdawiin awm lo niin a sawi a, thuneihna an chan chuan zirna in hrang hrang tih hmasawn te, Science Subject zirtheihna tur zirna in sang zawk dah te, damdawiin tih changtlunte tum tur thu a sawi. Pu Lalchhandama Ralte hian an party zawm tharte a lawmlut nghal bawk.
