Vawiina Hnam Run inkhawmah thu sawiin, MNF Legislature Party Secretary nibawk Pu Lalruatkima hian MLA hlawh tihpun chu eptu \henkhatin \i deuhin an pawm loh thu an sawi a, eptu group leader Pu Zodintluanga Raltein hlawh pun an duh loh takzet chuan hlawh pung la ve lo mai tura a ngaih thu a sawi chhuak hial a ni a ti a, hlawh tihpun chu Assembly General Purpose Committee in a ngaihtuah laiin Pu Lalduhoma pawh a tel tih Pu Lalruatkima chuan a sawi a, a duh lo tak tak a nih chuan Assembly House a au chhuahpui lovin a telvena GPC Committee-ah sawi zawk awm tak a ni a ti.
RD Minister ni bawk Pu Lalruatkima chuan, ni za inhlawhna hnuaiah ni 64 vel inhlawhna siam a ni tawh tih a sawi a, District thenkhatah phei chuan ni 70 chuang inhlawhna siam sak an ni tawh tih sawiin sorkar kum kal nmekah mipui inhlawhna atan cheng vbc 288 sing 6 sang 8 hmuh a ni tawh a, hei hi April, June, July leh August inhlawhna atan hman a ni a ti a, Block \henkhatah August thla inhlawhna la hmu ve lo an awm tih a sawi. Pu Lalruatkima chuan, August, September, October leh November thla inhlawhna tur Sorkar laipuiah sanction turin an dil mek tih sawiin an thuhriat thar berah chuan tunkarah emaw kar tharah emaw chuan an rawn pek hman beisei a ni a ti.
