MNF General Headquarters-a Media, Publicity & IT Monitoring Cell-in ZPM leh BJP an thawk ho dawn em tih thupui hmanga lehkha an semah Indian National Congress chu Hindu lalram zauhna hmanrua a ni tih lam hawi thuziak an thehdarh chu Congress Party tihhminghliau tumna nia sawiin, chhui chiang turin MPCC Media Department-in Mizoram CEO, Pu Ashish Kundra an ngen.

CEO hnena lehkha an thehluhah MPCC chuan, MNF-in lehkha an semah hian Congress party chhinchhiahna kutphah chu Hindu pathiannu, Laxmi thlalak nen nem kai a ni tih sawiin, Hindu pathiannu leh Congress chhinchhiahna kutphah chuan inzawmna nei anga tarlan a ni a, hei bakah hian Congress chhinchhiahna kutphah i vote chuan, Hindu lalram i zauh tihna a ni tih an ziak niin an sawi a, hei hi mipui rilru hruaikawi tumna tenawm tak a ni tih sawiin, engtiklai mahain Congress party chu sakhaw awn bik lam nei a ni ngai lova, hetiang a ni chunga MNF-ten thudik lo hmanga tihhmingchhiat nana Hindu sakhua nen inzawmna nei anga an puh chu Mizo Kristian-te tan ngaihkawih theih thil a nih avangin hemi chungchang hi a \ul anga, enfiah sak a. Thil tidik lo an awm a nih chuan a mawhphurtute hrem an nih theih nana CEO chu hmalak sak turin an ngen a ni.