Mipui aiawha thlanten an mahni hlawh tihpunna tur an pass tak chu an hlawh lak lai a\anga chhutin za zela 130.77 laiin a pung tih PRISM Party hian an sawi a, Mzoram sum dinhmun enin MLA te hlawh pun chu hun an ti lo tih an sawi a, mahni hlawh tipung tura thukhawm ten an rawngbawlsak turte mawh chunga bial mipuiin harsatna hrang hrang an thlen vanga hreh tak chunga tisang anga ngaih theiha thu an sawi phei chu a zahthlak a, mipui rawngbawl tura engkim huamten an ham\hatna tura mipuite an mawh chu an dem tak zet tih an sawi.
MLA te hlawh leh hamthatna hi 2010 ah siam \hat a ni a. Kum 2013 inthlan dawna Candidate-te affidavit atanga a lan danin 2008 aia an hausakna alet sarih chuang ten a pung tih PRISM hian an sawi a, kum 2018 inthlan-ah Candidate 116 chu cheng vbc tel nei phak an ni a, an zinga 36 te chu tuna MLA nilai mekte hi an ni an ti a, MLA nilaite zinga hausa ber Pu Robert Romawia Royte hausakna chu cheng Vbc 44 a nih laiin House chhunga MLA nih hautakzia ding meuha a sawi chu a rawngbawl tumna a hai nia an ngaih thu PRISM chuan an sawi.
PRISM chuan mipui aiawha thlante hausakna a pung tual tual leh, Mizoram siam\ha tura sum nei lo tan tlin chu sawi loh candidate chan pawh theih loh ang hiala ngaihna mipuia awm mek chu thil \halo tak a ni an ti a, Mizoram rawngbawl tura thlan ten ram hmasawnna aia mahni hmasawnna ngaihtuaha hlawhpunna tur an pass duh chu an dem tak zet tih sawiin, an manifesto-a an tarlan Minister leh MLA te hlawh leh ham\hatna tih tlem chu an party dinna a la ni reng tih an sawi.
