Hnahthial District MJA chuan, an District aiawha Miss thlannaa tel tur hi nimin khan Hnahthiala KVK Training Hall-ah an puang a, he inkhawm Hnahthial MJA President, Pu C. Lalbuatsaiha kaihhruaiah hian District Bawrhsap, Pu Vanlalmawia’n Hnahthial District aiawha Miss Mizoram 2020 thlannaa tel tur chu Nl. Mapui Lalhnaihzuali a nih thu a puang a. Hnahthial District Miss hmasa ber ni ta Mapui Lalhnaihzuali hnenah hian kum 2018 Hnahthial Chapchar Kut Nula, Lalchhuanmawii’n Tiara khim tirin, Sash a bah tir a, Pu Vanlalmawia hian citation leh Rs.10,000 a hlan bawk. Mapui Lalhnaihzuali hi Hnahthial Electric Venga Pu F. Lalmuanpuia leh Pi F. Zohmingthangi te fanu a ni a, Agartala-a Women’s College-ah II semester B.Sc a zir mek a ni.
Kolasib District MJA pawhin an District aiawha Miss Mizoram thlannaa tel tur hi nimin khan Kolasib Press Club-ah an puang a, Kolasib District MJA President, Pu R. Lalhmingthanga kaihhruai Crowning Ceremony-ah hian District Bawrhsap, Pi Sangchhin Chinzah chuan Ruthi Lalrinfeli Khiangte chu an District aiawh tur a nih thu a puang a ni. Miss Mizoram 2020 Kolasib District a thlan tak Ruthi Lalrinfeli Khiangte hi Vairengtea Pu Rohmingliana Khiangte leh Pi C. Lalnunsangi te fanu a ni a, tunah hian Guwahati College-ah BA 6th semester a zir mek a ni.
Mamit-ah nimin khan I&PR Conference Hall-ah an District aiawha Miss Mizoram 2020 thlannaa tel tur hi puan a ni a. Mamit-ah hian contestant 8 zinga mi Zawlnuam Venglai nula Zomuanpuii Fanai chu an District aiawh a nih tur thu Addl. DC Pu Jacob Lalawmpuia’n a puang a ni. Mamit District aiawh tur thlanna hi MJA leh Mamit Photographer’s Association-in an kalpui a, pawn lam mi phungbawmah an sawm bawk a ni. Zomuanpuii Fanai hi Pu F. Zoramsanga lehPi Hmingthansiami fanu a ni a, zirna lamah Master of Commerce a ni.
Serchhip District pawhin Miss Mizoram 2020 thlannaa an District aiawh tur chu Kei\um nula Saizampuii a nih thu an puang. Pu Laldailova (L) leh Pi Lalsangliani te fanu Saizampuii hian kum 2018 khan Jorhat-a Assam Agriculture University a\angin B.Sc (Agri) a zo tawh a, tunah hian FOCUS hnuaiah Serchhip District Agriculture Office-ah a thawk mek a ni. Serchhip District aiawh tur thlanna hi vawiin khan khan Serchhip I&PR Conference Hall-ah neih a ni.
Lunglei District MJA pawhin vawiin khan Thenhlum nula, R. Lalsangzeli chu Miss Mizoram 2020 thlannaa an District aiawh a nih tur thu an puang a. Chanmari-a Murray’s Kitchen Miss Mizoram Lunglei 2020 puanna inkhawm hi Miss Mizoram 2020 Lunglei Selection Committee chairman, Lalrintluanga Khiangte-in a kaihruai a, Lunglei IPRO Pi C. Lalremruati’n crown a khim tir a ni. R. Lalsangzeli Thenhluma Pu R. Zonunsanga fanu niin pawl 12 a zir zo tawh a ni.
Lawngtlai District MJA pawhin vawiin khan an District aiawh tur hi an puang a. Aizawl Bungkawn venga LADC House Conference Hal-ah result puannaah hian Lawngtlai District MJA President, Pu ZD Dengngura’n an District aiawh turin Sangau nula, B. Lalthuthlungthari thlan a nih thu a puang a. LADC House Dy. Resident Commissioner, Pu T. Chalnghingluaia’n Tiara khim tirin, Sash a bah tir a ni. He inkhawm hmanpuitu MJA General Headquraters President, Pu Zonunsanga Khaingte chuan, Miss Mizoram thlanna hi MJA-in hun engemaw chen alo kalpui tawh tih sawiin, kum 2017 khan Zonet-in an dil angin Miss hi thlan tir an ni, a ti a. Kumina Miss Mizoram thlan turah General Headquraters-in District MJA-te an District aiawh tur thlang tura chawpchil taka a ngenna an tihlawtling chu lawmawm a tih thu a sawi.
