Kum 2013 a\anga Pancreatic Cancer vanga damlo, Dr. R Kap\huama hian a nupui Pi Sairengpuii, fapa 2, fanu 1, tu 11 leh tuchhuan 2 a kalsan a ni. Pu Suaka leh Pi Lalchhingpuii te fa 8 zinga naupang ber, Dr. R Kap\huama hi kum 1933 March ni 1 khan Thingsulthlaiah khuaah a pianga, kum 1954 khan Mizo High School Aizawl a\angin Matric a pass a, hemi hnu kum 1958 khan Gwuahati a Assama Veterinary College-ah BV Sc and AH distinction-ah a pass a, hemi hnu hian sorkar hna a thawk nghala, lehkha zir leha thiamna sang zawng neih a duh avangin kum 1958 khan London-ah kalin a zirzawma, kum 1968 December thlaah Doctorate Degree a la a, Mizo zingah Doctorate Digree nei hmasa ber a ni ta a ni.Sorkar hna a thawh chhunga a hna chelh hrang hrangte chu Guahati a Vety College-ah Asst. Lecture, Aizawlah Asst. Surgeon, Assam Agriculture College Jorhatah Lecturer, Guahati Vety College-ah Professor, Mizoram UT sorkar hnuaiah Agriculture Department-ah Deputy Director, kum 1974 a\angin AH and Vety Department Joint Director leh kum 1980-a AH&Vety Department Department puitlinga siam a nih khan Director atan dah a nia, he hna hi kum 1994-a a pension thleng a thawk a ni. Kohhranah upa a nia, khawtlang rawngbawlna lamah pawl hrang hrang \hahnem takah a in hmang bawk a ni. Vawiin chawhnu dar 1 khan Khatla a an chenna inah thlamunna thuchah sawiin Pastor Rualthankhuma’n a vuia, mi \hahnem takin an thlah liam a ni.
