Lammuala Chapchar K<t hmannaah hian Art and Culture Minister, Pu R. Lalzirlina chu k<t pa a ni a, Art and Culture Secretary, Pu B. Lalhmingthanga chu k<t thlengtu a ni. Chapchar Kut thuchah a sawiah Kut pa, Art and Culture Minister, Pu R. Lalzirliana chuan, chhung lam a\anga innghirnghona a awm chuan ramin a tuar \hin tih sawiin, khawvel hmun hrang hranga cheng zo hnahthlakte chu inlungrualna lama ke pen \heuh turin a sawm a ni. Pu R. Lalzirliana chuan, hmanlai Mizo pi leh pute kha khaw hrang hrangah chengin Zo hnahthlak inpumkhatna tih chu hrethiam chiah lo mah se, an khawsak dan leh mikhual an thlen dan a\ang ringawt pawhin an induhsak tawn tih a chiang hle a ni, a ti a. British awpna hnuaia an kun hnuah \hen hranin an awm a, Political Boundary vangin ram hranah an lo cheng ta a ni a ti. Zo hnahthlak hnam peng hrang hrang zingah Mizo tih thumal chu a neitu bik an awm chuang lo tih sawiin, Art and Culture Minister chuan, chhinlung chhuak zo hnahthlak hrang hrang leh a inti neitu thiam a piang ta a ni mai tih a sawi.
Chapchar K<t chu induhsakna kut a nih angin, impumkhatna rilru pu chunga kut hmang \heuh turin Mizoram mipuite a sawm a, kumin Chapchar K<t thupuiah ‘Zofate inpumkhatna’ tih hman a ni chu an impumkhat lo tihna ni lovin, inpawhna leh induhsakna an neih deuh deuhna tura ruahman a ni tih a sawi.
Pu R. Lalzirliana chuan, khawvel ram changkang ber berte chu mahni hnam nun ngaisanga chawilartu an ni \hin tih sawiin, Mizote zingah mahni hnam nun leh khawsak phung hnualsuat a, hnam thil ngaihhlut nachang hre lo an awm \hin chu pawi a tih thu sawiin, he rilru hi kalsan a, hnam rohlu chawinungtu ni a, pi leh pu a\anga tlawmngaihna an lo nunpui \hin chu chhawm nungtu nih tum \heuh turin Mizoram mipuite a sawm a ni.
K<t thlengtu, Art and Culture Secretary, Pu B. Lalhmingthanga pawhin, ramin ri a neih angin hnam erawh chuan ri a nei lova, inpumkhatna leh indai dana chu mihring thinlungin a siam chawp anih avangin inpumkhat turin rilru put hmang a pawimawh a ni, a ti.
Inlawmna thusawitu Central YMA General Secretary, Pu Lalhmachhuana chuan, Zo hnahthlakte chu tlang hrang hrangah in\hen darhin, \awngte pawh lo dang deuh mah se, hnam nunphung leh sakhuain a phuar khawm tlat an ni a, zo hnahthlak thisen kai an nihna chu a danglam thei lo a ni a ti a. Khawvel hmun danga chengten Mizoram chu an inpui, an ngaih ngawih ngawih a nih avangin a chhunga chengte chuan Zofare insuihkhawmna kawngah mawh thui tak an phur tih an hriat a ngai a ni, a ti.
Chapchar k<t-ah hian khawvel hmun hrang hranga cheng Zo hnahthlakte kut hmang tura sawm an nih angin an lo tel hlawm a. Vawiina kut lawmnaah pawh hian Myanmar-a Falam leh Tidim, Assam-a Halflong leh Manipur a\anga lo kalte pawhin thu an sawi hlawm a, zofate imphumkhatna tura chak zawka hmalak an duh thu an sawi hlawm a ni.
Chapchar k<t ni khatnaah hian MHIP general Headquarters-in Siktuithiang lam an entir a, Mizoram Cultural Artist Association-in khuai lam, MUP Bungkawn Branch-in lawngkhawm zai, Central YMA-in Mizo infiamna, Upper Republic Model School-in pawnto, Mizo Cultural Organisation-in zialung nauawih an entir a, hei bakah hian zaipawl leh mal zai ngaihthlak a ni bawk.
Vawiin a\anga Chapchar K<t lawm pual hian Vanapa Hall-ah Mizoram Photographer Society chuan thlalak entirna, Photo Exhibition an buatsaih a. Assembly Annexe Building-ah pangpar entirna, Flower Show cum Fair buatsaih niin, Lammual sirah Food Fest, Handloom Show leh Museum Exhibition buatsaih a ni bawk.
Chapchar K<t lawmna puiber leh a kharna nibawk chu naktuk hian Mizoram hmun hrang hrangah neih a ni dawn a, Aizawlah chuan Lammualah hmangin Chief Minister, Pu Zoramthanga chu k<t pa a ni ang a, Art and Culture Minister, Pu R. Lalzirliana chu K<t thlengtu a ni ang. Hetiang bawk hian District hrang hranga Chapchar K<t lawmna chu Minister-ten an hmanpui hlawm dawn a ni.
