Kut Pa, Art and culture changtu Minister Pu R. Lalzirliana chuan, Mizo ten Kutpui ti a an sawi \hin Chapchar Kut chu Zofa ten eng angin nge an hmuh a, an nunah a nghawng a neih tih chu inenlet a ngai tih a sawi a, Zofate tana hun hlimawm tak a nih rualin a hlimhlawpah ringawta kalral ang tih a hlauh thu a sawi a, hunpui chu hnam nunphung leh ziarangte, hnam nun zemawi leh induhsak tawnna te ngaihhlut tharna leh chawisanna hun ni thei se a duh tih a sawi a, zofate hmasawn tura chawk phurtu leh \henawm khawveng, ram leh hnam hmangaihna rilru thar neihtirtu nise a duh tih a sawi.
Pu Zira hian, mahni hnam ziarang leh chin dan te ngaisang lo hnam reng rengin an nunphung an hloh a, pumkhata siamtu leh hnam \hui khawmtu culture hnualsuattu te chu awlsam takin an chhehvel hnamdang te nekchep leh chimral an ni mai \hin tih a sawi a, hmeithai leh rethei dawmzui kawnga pi leh pute rilru put dan te, aia upa zahthiamna te, tlawmngaihna, inzah tawnna leh inpawisak tlan dial dialna te chuan khawsak ho a tinuam a, chung “zonun zemawi” te chhawm nun zel chu hnam damna a ni a ti.
Chapchar Kut lawmnaah hian Kut Thlengtu Pu R. Hmingthanzuala leh CYMA General Secretary Prof. Lalnuntluanga te pawhin thu an sawi a, Chapchar Kut Organizing Committee in Mizoram pawn atanga Kut hmang tura an sawm Tidim, Tahan, Falam, Manipur, Tripura, Shillong, Haflong leh Silchar atanga lo kal ten thu an sawi bawk. Kut lawmnaah hian CYMA buatsaihin Mizo Infiamna hrang hrang entir a ni a, hnam lam chi hrang hrang te entir a nih bakah zai thiam leh Band ten mipuite an awi a ni.
Kut Ni pui ber, Naktukah chuan Chief Minister Pu Zoramthanga Kut Pa a ni ang.
