Mizoramah inkharkhip kalpui a nih chhung pawhin mi tlawmngaite zingah damlote hman tura thisen pe \hin \hahnem tak an awm a, mipui kharkhip chhungin Aizawl Civil Hospital blood bank-ah unit 389 pek a ni tawh.

Civil Hospital hian tun dinhmunah thisen khawl khawm a nei ngah tawk a, thisen-a damlo mamawh dan azira \henhran \hin zinga pakhat, thisen var erawh chu a dam rei loh avangin Civil Hospital Blood bank ah hian a tam lo thung. March 23 atanga Mizorama lockdown kalpui a nih hnuah CYMA leh Civil Hospital Blood Bank ruahmannain YMA branch 5 vel thisen pe tura ngen an ni a, branch 2-in an pe hman a. Social distancing a tih theih meuh loh avangin camp neih tura ruahman sa chu tihtawp rih a ni.

Donation camp hi Blood bank-ah chuan fimkhur taka kalpui chhunzawm zel a ni a, thisen pe tura inpe, pawl hrang hrangte chu mi 20, 30 leh 40 vel zela thawk chhuak tura ngen an ni.