MSACS Project Director, Dr. Lalmalsawmi Sailo-in Mizoramah HIV/AIDS-in bu a khuar mek avangin mutmawh hnarmawha neih a \ul tawh takzet tih thuthar lakhawmtute a hrilh a. Do let a nih lohva tun ang zela a hluar chhoh chuan eng anga \an l^k pawhin ram leh hnam humhalhna tluantling a awm theih a beisei lo niin a sawi. Chhungkaw tinah HIV hlauhawmzia inzirtir uar thar a \ul a, hemi kawngah hian Kohhran chu a thawh hlawk thei ber tur nia a ngaih thu sawiin Dr. Lalmalsawmi Sailo chuan, kum 1990 khan Mizorama HIV vei hmasa ber hmuh chhuah a ni a, damdawi hman sualna a\anga kai a ni a. Kum 2000 thleng khan Mizorama HIV vei hmuh chhuah zingah damdawi hmang sual an tam ber a, kum 2000 hnu lamah chuan mipat hmeichhiatna hman khawloh avanga kai chu zaa 70 an ni ta niin a sawi. Dr. Lalmalsawmi Sailo chuan, ruihhlo-a inchiu \hinten HIV an theh darh loh nana Syringe and Needle exchange programme an bawhzui chu ruihhlo hmang zel tura fuihna ni lovin, HIV an put darh loh nana hriau thianghlim hman a pawimawhzia tarlanna a ni a, hetiang bawk hian Condom hmang tura an zirtir pawh mipat hmeichhiatna hmang tura infuihna ni lovin, natna \ha lo laka fihlim theihna tur a nih thu a sawi bawk.
MSACS chhinchhiah danin, kum 1990 a\anga kumin March thla thleng khan Mizoramah thisen endik tawh 6,05,119 zingah HIV hrik pai 14,632 hmuh an ni tawh a. AIDS avanga thi, mi 1,444 an awm tawh a ni. Kum 15-24 inkarah HIV hrik pai an pung chak ber a, tunah hian kum 25-40 inkarah HIV/AIDS vei an tam ber bawk.
