Reserve Bank of India-in cheng 200 leh 50 note thar a siam chuan kar kal ta khan Mizoram a lo thleng tawh a, Aizawla Bank leh District hrang hrangah thawn darh a, mipui hnenah sem chhuah mek a ni. State Bank of India hotute chuan, cheng 200 leh 50 note thar hi August ni 25-a tlangzarh tawh ni mah se, state-in pawisa a mamawh ang mil zela chah \hin a nih avangin Mizoram a lo thleng har deuh niin an sawi a. Nikum November ni 8-a sorkar laipuiin cheng 500 leh 1,000 note a tihhlum vanga harsatna thleng chu tunah chuan a reh thawkhat tawh nia sawiin, pawisa tihhlum a nih hnua Mizorama pawisa lo thleng tawh chu mipui mamawh phuhru khawp a nih tawh b^kah, cheng 500 leh 2,000 note thar pawh mamawh khawp a awm tawh niin an sawi. SBI hotute chuan, Bank Account-a pawisa awm zat bituk a nih tak avanga mipuiin harsatna an tawh loh nan SBI chuan Balance tuk zat awm ve lohna, Basic Savings Bank Deposits (BSBD) a siam tih an sawi a. BSBD hnuaiah hian pawisa duh zat zat a dah luh theih a, thla khatah cheng 10,000 aia tam a lak chhuah theih loh thung tih an sawi. Hei hi \ha viau mah se, sumdawng leh Bank Account khawih che nasa tan chuan a \ha tawk lova, zirlai leh Account khawih che tam lo tan chuan hawn theih reng a ni tih an sawi bawk.
