Mizoram Truck Owners Association leh Mizoram Truck Drivers Association-in tunkar Thawh\anni a\ang khan Mizoramah bungraw phur motor-te dang mah se, tuialhtheiah harsatna a la awm lo tih Supply Department hotuten Zonet an hrilh a. Vawiin thleng khan Aizawl leh a chhehvela Petrol Pump-ten tuialhthei hi hralh chhuah tur an la nei vek a, khuahkhirhna awm lovin a duh a piang hnenah an pe a ni. Supply Department chhinchhiah danin, tukin dar 9:45 thleng khan Aizawla Mizofed Petrol Pump chuan petrol panngai litre 5,000, XP litre 8,360 leh Diesel litre 13,800 a la nei a. Zangena Petrol Pump-in petrol pangngai litre 5,000, XP litre 8,000 leh Diesel litre 10,000, Lalsangliana Filling Station-in petrol litre 3,000 leh Diesel litre 2,000, Hrangbana Petrol pump-in petrol litre 3,000 leh Diesel litre 6,000, Hauva Filling Station-in petrol litre 3,000 leh Diesel litre 7,000, K. Lalnghakliana Filling Station-in petrol pangngai litre 7,221, XP litre 5,677 leh Diesel litre 10,000, Lalbiakliana Filling Station-in petrol pangngai litre 4,000, XP litre 5,000 leh Diesel litre 10,000-an nei a. Tuialhthei chhek khawl a tam thawkhat avangin mipui tan hlauhthawn tur a awm lova, naktukah MNF-in Total Bandh huaihawt dawn mah se, Zirtawpni a\ang khian dan pangngaia kal theih a nih tawh dawn avangin harsatna a thlen loh an beisei thu, Supply Department hotute chuan an sawi a ni.
