Excise Department hotute hnen a\anga ZONET thudawn danin, MLP Act hnuaia dan tesep hrang hrang duante chu a taka kalpui ni dawn rih lo mah se, MLP Act hmanga zu khapna dan chu khawng taka kenkawh a ni dawn a. Hetihlai hian Department-in zu a man khawl sa tihral dan tur chu Excise Commissioner-in sorkar-ah a thlen anga, sorkar-in a lo ngaihtuah dawn a ni. Zawhna chhangin Excise hotute chuan, sorkarin MLP Rules chungchangah hriattirna a lo tih chhuah tawh chu sut a nihna ala tichhuak lo tih an sawi a, hemi chungchang hi engtianga kalpui zui zel tur nge tih sorkar-in a la ngaihtuah zui tura an ngaih thu an sawi.
Mizorama zu khapna dan, Mizoram Liqour (Prohibition) Act 2019 hi nikum March thlaa Assembly \hutkhawmin a pass hnuah he dan hi kenkawh nghal nimahse, a hnuaia dan tesep siamte chu peihfel a ni mai lova, tunhnaia sorkar-in dan tesep duan a nih thu a tihchhuah chuan inhnialna a chawk chhuah deuh nia a lan avangin Chief Minister, Pu Zoramthanga chuan cabinet meeting-a ngaihtuah a nih tur thu tun thla ni 13-a an party pisa Hnam Run inkhawma a lo puan tawh angin nimina Coincils of Minister \hukhawmah hemi chungchang hi ngaihtuah tura chhawpchhuah a ni a, thutlukna siam lovin hun danga ngaihtuah \hat atan an dah thung a ni.
