Mizorama tuialhthei phur luttu Tank Lorry khaltu leh Handyman mi 19 te swap sample tun thla ni 9 -a endik tura lak result chu Thawhanni khan hriat a ni a, coronavirus kai an awm lo tih finfiah a nih hnuah vawiin khan midang 20 te sample lak leh a ni.

Mizoram Oil Tanker Driver Association hruaitute hnen atanga ZONET thudawn danin an member 20 te swab sample chu vawiin khan laksak leh an ni a, Kolasib-a health deptt a thawktu ten Vairengte Tourist Lodge-a Tank Lorry enkawltute awmna tura an ruatah sample hi an laksak leh a ni. Tank Lorry enkawltute hi zin chhuak reng an nih avangin an sample hi tum khatah lak nghal vek theih a ni lova, a tahtawla laksak an ni.