Health & Family Welfare Department Principal Director, Dr. F. Lallianhlira, Food Safety Commisioner ni bawk chuan Mizorama tui in tura siam, Packaged Drinking Water – ZO AQUA, BROOK, AMAWII leh KOINONIA te chu Food Safety and Standards Act, 2006-in standard a siam ang tling phak lo niin a sawi. Hemi chungchanga a thuchhuahah Food Safety Authority of Mizoram chuan heng tui in tur siamtute hi an tui siam chhuahna hmanrua leh khawlte. thla khat chhunga siam tha a, ruahmanna tha zawk siam turin a hriattir a, hemi chhung hian tui in tur dang siam chhuak lo tur leh an siam sa, dawra an pek chhuah tawhte pawh la kir leh vek turin a hriattir a ni. An tui siam chhuah hralh tura kawl, dawrkaite pawh an tui kawl lai chu mipuite hnena hralh chhuak lo turin a ngen a, tui in tura siam, Packaged Drinking Water dang leh phai lam atanga lak luhte pawh a that tawk leh tawk loh endik zui zel niin Commissioner of Food Safety chuan a sawi.
