NGO Coordination Committee hi Central YMA OB Room-a vawiin khan an \hukhawm a, Political Party tin te Chakma Candidate nei lo tura an ngenna ngaipawimawh an awm chu lawmawm an tih thu sawiin, hetilai hian an ngenna ngaipawimawh lova Chakma Candidate nei an awm erawh pawi an tih thu an sawi. NGO Coordination Committee hian Assembly inthlanpui lo awm tur atana hmalakna hrang hrang te an thlir ho bakah naktuka Prime Minister Narendra Modia’n Mizoram a rawn tlawh turah, sawmna an dawn angin Prime Minister hi NGO hruaituten hmuh ni se, Mizoramin harsatna a tawh hrang hrangte thlen nise an ti a ni.
