Joint NGO Coordination committee hi vawiin khan Central YMA office ah an \hukhawm a, Central YMA President nibawk Pu Vanlalruata chuan, tunhnaia Dr BD Chakma-in Mizoram sorkarah chanvo \ha zawk chang tur anga sawi a awm chu thu tak a ni em? tih an hriat loh thu a sawi a, hetihrual hian Dr BD chakma chu sorkar hmasa hunlaiin NGO te nawrna avanga Minister a nihna a\anga ban lo ni tawh a ni a, a chungchanga NGO te ngaihdan chu a la ngai reng tih a sawi.
YMA, MUP, MHIP, MZP leh MSU te telna, NGO Coordination Committee hian kumin October ni 1 a\anga Tripura Camp-a awm Tuikuk te laklet hna \an leh turah Mizoram a\anga chhuakte leh an thlah kal zelte chauh laklet an nih theih nan fimkhur taka hma la turin sorkar an beisei tih an sawi a, Mizorama lo let thei tura sorkarin a enfiah tawhte pawh a bo a bang awm lova Mizorama let ngei turin an beisei tih an sawi. Tlawmngai pawl intelkhawm hian tun \uma Tuikuk te laklet hna thawh leh tur chu a vawi 9 na a ni tawh tih sawiin, tun bak chu Mizoram sorkarin kalpui tawh lo tura kumin April ni 3-a Chief Secretary hming ziah hnan tawh chu a taka tih hlawhtlin anih an beisei thu an sawi a, tun bak chu Mizoram mipuiten an pawm thei tawh dawn lo tih sawiin, sorkarin tuikuk lakletna tura sum a dawn tawhte pawh a nihna ang taka hman a nih theih nan chak taka ruahmanna siam turin sorkar an beisei tih an sawi.
|hutkhawmna kaihruaitu Pu Vanlalruata chuan, tuikuk ten Chief Minister leh Chief Secretary hnenah hmun khata awm an dilna chu sorkarin a pawm mai an hlauh avangin Tuikuk te chungchang chu Joint Monitoring Group ngaihtuah tur a nih thu CM leh CS hnenah an thlen tih a sawi a, India in zalenna a hmuh hnuah tuikuk te hamthatna dawn tur ang dawng an la awm ngai lo tih a sawi.
Myanmar a\anga dan lova Mizorama lo lut Rakhine hnam nia rin mi 489 te khaw 4, Dungzautlang, Zochachhuah, Kakichhuah leh Hmawngbuchhuah atangin Mizoram Electoral Roll-ah thun an ni tih Tlawmngai pawl te hian an sawi bawk a, hetiang thil a thleng hi an hriatthiam loh thu sawiin, zirchiana E roll a\anga paih an nih theih nan hmalak an tum thu an sawi a, thuneitute pawh chhuichianga hmala turin an phut tih an sawi bawk.
