He thu hi NGO Coordination Committee \hutkhawmna vawiin chawhnua Central YMA Office-a neihah siam a ni a, he inkhawm hi an Chairman, Pu Vanlalruata, Central YMA President ni bawkin a kaihruai a, hetah hian tlawmngai pawl hrang hrang, MZP, MSU, MUP leh MHIP hruaitute an tel a ni. He inkhawmah hian Citizenship Amendment Bill, 2016 Lok Sabha-in a pass tak chungchang leh hemi avanga an lungawi loh thu te, he Bill hi Rajya Sabha-in a pass lohna tura sorkar laipui nawr zui nan Republic Day lo thleng tur hi boycott ni se tiin thutlukna an siam a ni. He inkhawm hian Photo Electoral Roll Special Summary Revision nikum December ni 28 a\anga neih mek chungchang leh Electoral Roll ennawnna Tripura Bru Relief Camp 6-a neih ve Mizoram Bru Displaced People Forum hruaituten an ngenna chungchang leh he thila Mizoram Chief Electoral Officer, Pu Ashish Kundra ngenna chungchangte sawiho a ni a, thil awmdan huamzau taka sawi a nih hnuah Tripura Bru Relief Camp-a Mizoram mi awmte chu duhsak ngai bik, Classified Class of Voters-a pawm theih an nih tawh loh avangin Electoral Roll ennawnna hi Mizoram pawna neih tawh loh ni se an ti a, tun hmalama NGO Coordination Committee thutlukna lo siam tawh, Mizoram pawnah reng reng inthlanna kaihhnawih thil tih tawh loh ni se tih chu an ngaihdan la ding reng a ni tih an tarlang bawk a ni.
