Hetiang zela a kal chuan sum leh paia inchimralna, Economics Assimilation a thlen mai an hlau tih sawiin, Mizorama sumdawn phalana pekchhuah chungchangah Sorkar chu khauh zawkin kal se an duh tih an sawi.
MIMA hruaitute hian vawiin khan Aizawl Press Club-ah thuthar lakhawmtute kawmin, Mizote chu sumdawnna leh ei leh bar zawnna kawngah chimralin an awm \an der nia an hriat thu an sawi a, hetiang zela Mizorama sumdawn phalna hi hnam dang hnena pekchhuah zel a nih chuan tun a\anga kum 4/5 lekah \henawm state-te anga chimrala awm a hlauhawm hle niin an sawi.
MIMA President, Pu PC Laldinthara chuan, Guidelines for the Enforcement of the Inner Line Regulations In Mizoram-in a sawi danin, District Council hun lai a\anga Mizorama awm tawh te tih loh, hnam dang Mizorama sumdawn phalna dil tur chuan a zawnin ILP kum 2 an nei tur a ni tih a ni a, Mizoram Sorkar-in ILP kenkawh dan tur ruahmanna a siamah chuan ILP hi thla 6 aia rei lo pek tur a ni a, hemi hnu hian thla 6 dang vawi 2 pek bleh theih tih a ni a, hetiang a nih avang hian hnam dang tan Mizorama sumdawn phalna dil theih a ni lo hrim hrim a ni a ti a, hei hi thil awmdan a nih laia tun hnai kum 2/1 kalta chhung maia hnamdang 810 hnena sumdawn phalna pek a ni chu thil dik lo lian tak nia an hriat thu leh sumdawn phalna dil tur reng reng chu dan anga ILP kum 2 nung an neih tawh leh tawh loh tarlanna dil \hin ni se an duh tih a sawi.
MIMA hruaitute sawi danin, kum 2017 July ni 1 a\anga GST hman a nih hnuah Mizoram sorkar-a Taxation Department kaltlangin hnam dang 367 hnenah Mizorama sumdawn phalna pek an ni tawh a. Central Commissionerate kaltlangin hnamdang 443 hnenah pek a ni tawh bawk. Vawiina MIMA hruaituten Press Conference an neihnaah hian Sorkar laipuiin Citizenship (Amendment) Bill, 2016 pass a tum duh loh lantir nan Badge dum an bel a ni.
