Hemi chungchanga ZONET zawhna chhangin SSA Project Director, Pu Lalhmachhuana chuan thawktuten hlawh an lak theih loh hi kumin April, May leh June thla thleng niin a sawi a, an lak tlaina chhan chu sorkar laipuia sorkar kum kal mek atana sum hman tur ngaihtuahtu Project Approval Board Meeting thu tlukna siam a la chhuah loh vang leh SSA, RMSA leh Teacher Education Scheme hrang \heuh a awm \hin chu kumin a\anga Samagra Shiksha Abhiyan tih hming vuahin hmun khatah chhunfin a nih vang niin a sawi a, he thil thar kalpui tur hian sorkar laipui a la inpeih tawk loh vang niin a sawi a ni. Hetihlai hian pawisa hman lailawk tur sorkar laipuiin cheng Vbc 52 chu a rawn pe tawh niin Pu Lalhmachhuana chuan a sawi a, Finance Deptt. a awm chu tunkar chhung hian an hmuh hman a beisei tih a sawi bawk.
