Mizorama Presbyterian Kohhran inkhawmpui lian ber, Synod Inkhawmpui vawi 95-na chu vawiin a\ang khan Aizawl Electric Veng Kohhran Biak Inah \an a ni a, Synod Moderator, Rev. F. Lalrinnunga kaihhruaiin nomination committee-in he inkhawmpuia thil ngaihtuah tur leh tihfel tur te an rel a ni. Palaite tan vawiin kha thlenkim ni a ni a, chawhnu her thleng khan palai \hahnem tak Biak Ina in report-na hmunah an inziak lut tawh a ni.

Naktuk, Nilaini a\angin rorel inkhawm neih \an a ni ang a, hemi ni hian rorel hmaa rorel palai chhiarna leh thil tihfel ngai dangte tihfel a nih hnuah Synod Moderator kal chhuak tur, Rev. F. Lalrinnunga chuan Moderator thar, Rev. R. Lalhmingthanga hnenah mawhphurhna a hlan ang a, a ni hian rorelna a kaihruai zui dawn a ni. Rorelnaah hian Kohhran tana thil pawimawh Presbytery-in a chhawpchhuah chi hrang hrang tun thla ni 8, Inrinni thlengin ngaihtuaha thutlukna siam a ni ang. Zan lamah Pathian Biak inkhawm neih \hin a ni ang a, tun \uma Synod Inkhawmpuiah hian Thlarau lam thupui atan ‘I ram lo thleng rawh se’ tih hman a ni ang.

Synod Inkhawmpuia Puipa turte chu Moderator, Rev. R. Lalhmingthanga
Secretary Senior Upa R. Dengzikpuia, Secretary Junior, Rev. R. Vanlalnghaka
Finance Officers, Rev. PC Pachhunga leh Rev. H. Remthanga, Statistician Rev. R. Lalnuntluanga, Executive Secretaries : Rev. Lalramliana Pachuau leh Rev. B. Sangthanga te an ni. Synod inkhawmpui hi Zonet chuan Rinna Channel-ah Live-in a pe chhuak dawn a ni.