Synod inkhawmpui hian tun thla ni 9, Pathianni zan thleng a awh dawn a ni. Naktukah chuan Synod Puipa leh Nomination Committee member atana ruat te Synod Moderator Rev. F. Lalrinnunga hovin an \hukhawm ang a, nomination chungchanga thil tihfel ngaite an tifel dawn a ni. Inkhawmpui palai dangte tan naktuk chu thlen kim a ni ang a, naktip, Nilaini a\angin rorel inkhawm neih \an a ni ang a, hemi ni hian rorel hmaa rorel palai chhiarna leh thil tihfel ngai dangte tihfel a nih hnuah Synod Moderator kal chhuak tur, Rev. F. Lalrinnunga chuan Moderator thar, Rev. R. Lalhmingthanga hnenah mawhphurhna a hlan ang a, a ni hian rorelna a kaihruai zui dawn a ni. Rorelnaah hian Kohhran tana thil pawimawh Presbytery-in a chhawpchhuah chi hrang hrang tun thla ni 8, Inrinni thlengin ngaihtuaha thutlukna siam a ni ang. Zan lamah Pathian Biak inkhawm neih \hin a ni ang a, tun \uma Synod Inkhawmpuiah hian Thlarau lam thupui atan ‘I ram lo thleng rawh se’ tih hman a ni ang.
Synod Inkhawmpuia Puipa turte chu Moderator, Rev. R. Lalhmingthanga
Secretary Senior Upa R. Dengzikpuia, Secretary Junior, Rev. R. Vanlalnghaka
Finance Officers, Rev. PC Pachhunga leh Rev. H. Remthanga, Statistician Rev. R. Lalnuntluanga, Executive Secretaries : Rev. Lalramliana Pachuau leh Rev. B. Sangthanga te an ni.
Synod inkhawmpui neihna hmun tur Electric Veng Presbyterian Kohhran Biak In panna kawng hi a zau tawk loh avang leh awlsam zawka palai leh mipuiten he inkhawmpui hi an hman theih nan Traffic SP chuan naktuk a\anga ni 9 thleng lirthei kal dan tur chungchangah ruahmanna a siam a, Inkhawmpui chhung hian Sakawrpului a\anga Presbyterian Kohhran Biak In kawmthlang, Zotui tuikhur thlengin hmar lam pan chauhin motor tlan tir phal a ni ang a, Zirtiri Residential College kawng peng a\anga Bazar kawnga Electric Veng kalna kawngah inkhawm kal hunlai leh ban hunlaiin Zirtiri College lam a\ang chauha motor kal tir phal a ni ang a, Bazar kawnga Pu Laldenga kawt chu Bus dropping zone a ni dawn a, helai hmunah hian lirthei dah phal a ni lo ang. Aizawl khawpui chhung hmun hrang hrang a\anga bus hmanga Synod Inkhawmpuia kal turte chu Lower Zarkawtah chhuka St. Mary’s Biak In kawnga kea kal tura ngen an ni a, Grace Nursing Home a\anga Bezalel dawr kawt thleng dropping zone atan hman a nih dawn avangin he kawngpui sirah hian motor dah phal a ni lovang.
