Mizorama politician hlun, Pu Hiphei, nimin zinga Aizawl Civil Hospital-a thi chu Vawiin khan an chenna inpui New Siaha West-ah ECM Moderator Rev Dr.FC. Beicho-a’n a vuiliam. Pu Hiphei hian a nupui Pi Sathlie bakah a tu leh fate a kalsan a ni.

Pu Hiphei hi kum 1937 August ni 23, khan Siaha District-a Chapui-ah a piang a, thiamna lamah I.A a ni a. Politics-ah a lut hma hle a, Indian National Congress Party atangin a hun tam tak ram rawngbawl hna a thawk a. Kum 1972, 1978, 1979, 1984, 1987, 1989 leh 2013-ah te MLA-ah thlan tlin a ni a. Rajya Sabha-ah term 2, kum 1990 atanga 1996 leh 1996 atanga 2002 inkarah te thlan tlin a ni. Mizoram Assembly speaker leh Dy.Speaker a lo ni tawh a, MADC ah pawh MDC a thlantlin lo ni tawh a, chairman hna pawh a lo chelh tawh a ni. A ruang hi nizan khan Aizawl atangin Siaha thlenpui a ni.