Mizoram Pradesh Congress Committee chuan an mahni duhthu ngeia awmte Tripura-a pemte an awm hlen theih nana inremna siam a ni ta chu an thlawp thu sawiin, kum 20 chuang zet Tuikuk-te laklet tuma sorkar laipui, Mizoram sorkar leh Tripura sorkar buaina chinfel a ni ta chu a lawmawm hle a ni, an ti a.
Tuikuk-te vji Tripura a\anga Mizorama lo pemlut eh inthlah pung ta an nih avangin Mizorama lo kir tawh kher loa anmahni duhthu ngeia an pemna Tripura-a an awm hlen theih nan an sorkar lai a\ang khan rawtna an siam fo tawh a. Sorkar laipui hotute kaihhruainaa Mizoram leh Tripura Sorkar hotute \hutkhawmnaah pawh hemi chungchang hi sawichhuah a lo ni fo tawh \hin nia sawiin, khatih laia CPI (M) kaihhruai Tripura sorkar khan Mizoram sorkar rawtna an pawm theih loh avangin a hlawhtling thei lo \hin niin an sawi. MPCC chuan, hun engemawchen a\anga Mizoram sorkar rawtna kal zel anga Tripura sorkar-in ngaihdan thlaka Tuikuk mipui 30,000 chuang Tripura-a awm hlen tir a remti ta chu hmasawnna ropui tak a ni a. Hetiang a nih laia MNF party-in inremna chu anmahni thawhchhuah ang maia lantir tuma mahni an infak chiam chiam mai chu MPCC chuan awm lo a ti a, mipui rilru hruaisual tumnaa an ngaih thu leh he inremna lawmawm tak hi MNF hruaitute rawtna vanga neih ni lovin, Tripura sorkar-in rilru a thlak tak avang leh Mizorama tlawmngai pawl hrang hrangin awmze nei taka sorkar laipui hotute an karna rahchhuah a ni tih Mizoram mipuiin hria sen an duh thu an sawi.
