A hawnna inkhawm tawi an Party Pisa-a neihah NPP Mizoram State Convener, Pu Lianzuala chuan, party mite chu kum a thar angin tihsual a neihte insiam \haa an hmalam hun atan theih tawp chhuah turin a chah a ni. NPP National Secretary, Dr. Lalrintluanga Jahau-in an hmalakna hrang hrang a sawi a, kumin February thlaah an Party General Assembly neih tum a nih thu sawiin, BJP kaihhruai sorkar laipuiin Citizenship (Amendment) Bill, 2016 a kalpui zui zel dan chu uluk taka an enzui tur thu leh an Party National President, Pu Conrad Sangma-a’n a lo sawi tawh angin he bill hi pass a nih chuan BJP kaihhruai NDA an thlawpna zawng zawng an hlih vek tur thu a sawi a, tun dinhmunah erawh chuan BJP hmalakna zui dan hi an enzui rih phawt dawn niin Dr. Lalrintluanga Jahau chuan a sawi.
