Chief Minister hian Falkawna State Referral Hospital behchhana din MIMER hawn hriatreng lungphum a hawn zawhah a lawmna inkhawm neih zui nghal a ni a, ‘Lalpan thil ropui tak min sak e’ tih bak sawi tur a hriat loh thu leh ‘lawm chungin a rawng bawl rawh u’ tih chu an innghahna thupui a nih thu a sawi. Pu Lal Thanhawla chuan, kum 20 chuang zet rambuai vanga Mizo mipuite tawrhna sukiang turin Congress party chuan remna leh muanna a awm theih nan hma a la a, hei hi a tirah chuan mi nuihzat a hlawh hle a, chu chu pawisa lova hma an lak hnuah Lal\hutthleng hial an ken vangin remna leh muanna tluangtling a awm theih phah a, Mizoram chu India rama State ralmuang ber a ni ta hial niin a sawi a. Rambuai vanga mipui tawrhna a reh hnuah in leh lo chan te leh eizawnna ngelnghet nei loten leirem an rah theih nan NLUP an sem bakah inchung tur rangva nei lote hnenah rangva sem a ni a, Congress party chu mipuiten leirem an rah a, an mahni bu zawlah eizawnna ngelnghet an neih theih nana hmalatu, leh pathian lam\ang Programme kalpuitu a nih avangin an hmalaknaah vawiin thlengin hlawhtlinna an hmu mek zel niin a sawi.
Lal Isua’n khawvela rawng a bawl lai pawh khan a ngaipawimawh ber pakhat chu tihdam rawngbawl a ni tih sawiin, Pu Lal Thanhawla chuan, hei hi an hlenchhuah ve theih nan tihdam rawngbawl hnathawktute inzirna hmunpui ni tur, MIMER chu harsa tak chung chunga sual chhuah a ni tih sawiin, MIMER hi India rama Medical College \ha ber ni turin bul\an a ni a, a \ha ber a ni thei lo a nih pawhin a \ha berte zinga mi a ni thei ang tih chu an ngaihdan a nih thu a sawi a. MIMER chu tun dinhmunah a famkim tawk lo tih chu mi tinin an hria tih sawiin, hmalam pan tur a ni tih hria a, a chhe zawng leh a ni lo lam zawnga sawisel lo turin mipuite a ngen tih a sawi. Chief Minister chuan, Congress party-in thuneihna a chan a piangin mipui hriselna lama hmalak chu a ngaipawimawh \hin nia sawiin, phai lama sum tam tak tak senga inthawn a ngai loh nan tunah hian District tina damdawi inte chu hmanraw changkang zawk hmanga thuam \hat mek a nih thu a sawi a. Mizote chu kristian ni chunga an hrisel lo em em chu thil inhmeh lo tak nia a hriat thu sawiin, Doctor pakhat phei chuan ‘Mizote chu dam duh si, hrisel tura nun uluk pei leh si lo’ ti hialin a sawi nia sawiin, hrisel tura mahni invawn uluk leh zuk leh hmuam a fihlim a \ul hle tih a sawi a ni.
He inkhawmah hian Finance Minister, Pu Lalsawta, Health Minister Pu Lal Thanzara, Agriculture Minister, Aizawl South III bialtu MLA, Pu KS Thanga, Chief Secretary, Pu Arvind Ray leh Health Secretary Pu Lalrinliana Fanai pawhin thu an sawi a ni. Puan tawh \hin angin MIMER-ah hian MBBS zirna seat 100 a awm dawn a, seat awmz awng zawng zinga 70 chu Mizo zirlaitan dah niin, seat 15 chu central pool leh zaa 15 dang chu NRI Quota atan dah a ni a. Vawiin thleng khan Mizo zirlai 62 leh NRI quota 11 in admission an ti tawh a. Admission tih theih hun hi tun thla ni 30 thleng hawn tur niin, naktuk a\angin calss kal \an a ni dawn a ni.
