Hemi chungchangah hian Chief Electoral Officer Pu Ashish Kundra chuan vawiin khan chanchinbumite kawm nghalin, inthlan hriattirna notification tih chhuah a\ang hian chuh tumte chuan Returning Officer-te hnenah karleh Thawh\anni thleng khian hming an pe lut thei tih a sawi a, hming pek luh te hi ni 26 ah endik a ni ang a, inhnukdawk leh duh tan ni 28 thleng hun hawn a ni a ti. Pu Ashish Kundra chuan, Mizorama Lok Sabha inthlan-a Returning Officer atana Aizawl DC Pu Vanlalngaihsaka ruat a nih thu leh Aizawl West I bial Bye Election neih turah chuan Returning Officer ah Secretariat Administration Department Dy. Secretary Pu H Lalhmingthanga ruat a nih thu leh Asst. Returning Officer atan Pu H.Lalrinpuia, Settlement Officer, Aizawl District ruat a nih thu a sawi.
Pu Ashish Kundra chuan, phalna neia silai kawltute chu harsatna an tawh loh nan dan dinglaiin a phut anga an silai te tung vek turin a ngen a, Election Commission-in cVigil application a siam chu mipui ten hmang \angkai se a duh tih a sawi a, hemi hmang hian Model Code of Conduct bawhchhiat a awm chuan thlalak leh a hmun thlengin awlsam takin complaint a thehluh theih a ni a ti a,tun dinhmunah Model Code of Conduct bawhchhiatna report an la dawn loh thu a sawi.
CEO chuan, Election Commission a\anga thupek an hmuh angin Tripura Transit Camp-a Bru awm te tan Kanhmunah polling station 15 siam a ni dawn tih a sawi a, heng zinga polling station 9 chu Mamit District a vote nei ho tan ruahman a ni a, Kolasib leh Lunglei District a vote nei te tan polling station pathum ve ve ruahman a ni tih a sawi. Pu Ashish Kundra chuan, mipui te chu vote thlak \heuh tura sawmin inthlanna muanawm leh felfai a awm theih nan tlawmngai pawl hrang hrang leh khawtlang hruaitute chu \awiawm turin a sawm a ni.
