Commerce & Industries hotute hnen atanga ZONET thudawn danin Mizorama thlai thar duhkhawp lak tur a awm lai chuan phai atanga thlai lakluh theihna permit chu an titawp lailawk thin tih an sawi a, hei hi kuthnathawktute chawikanna tura hmalakna chi khat a nih thu an sawi a, tunah hian Tomato leh Zikhlum chu phai atanga lakluh phal a ni rih lo tih an sawi a. Tuipui khuain Tomato an thar te chu hralh tir mek an ni an ti. Hetihlai hian hri leng vanga duhthusama check gate vil hman a nih loh avangin phai atanga chawhmeh rawn phur lutte hian tomato chu thlai dang karah an zep ru tel thin tih an sawi a, man sak pawh an nei tih an sawi.
Commerce & Industries Deptt hotute chuan, Samthang khuain Zikhlum leh samtawk an thar, Aizawl a hralh tura phurtu lirthei chesual chu pawi an tih thu an sawi a, chanchin an hrait veleh Aizawl South III bialtu MLA Prof. F. Lalnunmawia leh East Tuipui bialtu Pu Ramthanmawia hovin Commerce & Industries leh Horticuture Department Officer ten chetsualan hmun hi an pan nghal tih an sawi a, Lirthei chetsualna hmun Sialsuk khuain Samtawk leh zikhlum an phurchhuah sak chu Vegetable Supply Chain kal tlangin Commerce & Industries, Horticuture leh MIZOFED ten a hralh dan tur an buaipui nghal tih an sawi a ni.
