Mizorama kawngpui pawimawh ber pahnih, National Highway 54 leh Aizawl-Thenzawl-Lunglei World Bank kawngte chu lirthei chitin kal theiha siamtlang zui zel a ni. PWD hotute hnen a\anga vawiina ZONET thudawn danin National Highway 54, Serchhip leh Kei\um inkara chhia chu lirthei chitin kal theiha enkawl zui zel a ni a, kawng chhuat bal laih \hat lehna hmuna kawng chhuat diak leh nal lai, meter 150 vela thuiah lung phah hna thawh chhunzawm zel a ni a, amaherawhchu, kawng chhuat lung phah motor rit phurin a rah tlum zel \hin avangin motor nawr chhuah \ul chang a awm \hin a ni. Hetihlai hian Serchhip khaw chhunga lei tla hniam laiah pawh lirthei tluang takin a la kal thei zui zel a ni. Aizawl-Thenzawl-Lunglei World Bank kawng nizan dar 7 vela Mual\huam North Field hnuaia leiminin a hnawhpin leh chu vawiin chhun dar 11:30 vel khan lirthei chitin kal theiha siamtlang a ni leh tawh a, hemi bak chu he kawngah hian lirthei tlan tana harsatna siamtu vawiin tlai thleng khan a awm lo niin kawng enkawltu PWD hotute chuan an sawi a, amaherawhchu, Mual\huam Field hnuaia field laihna leivung tawlh thei hi ruah a sur nasat chuan awlsam taka tawlh thei leh kawng hnawhping thei reng niin an sawi a ni.
