ICT Minister Pu Robert Romawia Royte in School thlanchuah 45 te hnenah computer set hi a hlan a, ICT leh Education Department te chu department pawimawh tak, zirna lama Mizoram hmel ti danglam thei tura tan la theitu tur Department te an nih thu Minister hian a sawi. North Eastern Council, Shillong hnuaia IT Education Programme for Schools atanga sum hmuh hmangin computer set te hi lei a ni a, Mizoram State e-Governance Society in buaipuiin, a vaia sum ruahman chu cheng nuai 1108 a ni a. School 150 hnenah Computer hi pek tura ruahman a ni a, school 31 ah pek a lo ni tawh a, a bak school 74 ah pawh pek leh tum a ni.
