He sawi hona Zarkawta Hotel Regency Conference Hall-a neihah hian MSACS Project Director, Dr. Lalmalsawmi Sailo chuan, theihtawp chhuaha hna an thawhrah chu a la lanchhuah thuai an beisei tih a sawi. Tunhnai kum 2 chhungin Mizoramah ruihhlo a hluar avangin inchiuna inhman\awm a\anga HIV natna kai an pun thu leh HIV kai zinga nupui pasal leh kawppui nghet nei lo an tam chu hnathawh tih harsatu pakhat a ni tih a sawi.
Report a\anga a lan danin, kum 1990 October thla a\anga kumin August thlengin Mizoramah HIV hrik pai 16,413 hmuhchhuah an ni tawh a. Heng zinga a tam ber zaa 72.4 chu Aizawl district a mi an ni a. Tun hnaia India-a puitling kum 15-49 inkar HIV hrik pai hluar dan tarlanna thar, India HIV Estimations 2017 Technical Report-ah Mizoram chu pakhatna niin thisen endik a\anga zaa 2.04 chu HIV kai an ni.
NACO hotute hian Aizawl, Lunglei leh Kolasib-a ART leh OST Centre bakah ICTC leh MSACS thawhpui NGO te hnathawh dan an en nghal a, Mizorama HIV darh zel venna kawnga hmalakna tihchak dan tur an sawipui nghal a ni. NACO team hi NACO-a Deputy Director (TI), Dr. Bhawani Singh-a’n a hova, Mizorama HIV darh nasa zel veng turin NACO chuan theitawp a chhuah dawn tih sawiin, tuna hmalak mekna tichak lehzual turin a taka rawn hmuh leh hnathawktute thusawi ngaihthlak an tum ber a ni tih a sawi.
NACO leh MSACS a thawktute hi team 4 ah in\henin nimin chawhnu khan team khat chuan Lunglei an pan nghala, vawiinah team khat dangin Kolasib panin a dang team 2 in Aizawl district hmun hrang hrang an tlawhkual a ni.
