He sawi honaah hian National AIDS Control Organisation (NACO), Centre for Disease Control (CDC) leh AIDS do kawnga thawktu lian engemaw zat Mizoramah an lokalin, Mizoram State AIDS Control Society-a Project Director leh thawktute nen an inkawm a, hetah hian HIV dona kawnga hmalakna tura NACO-in a ruahman, Integration HIV/AIDS Action Plan for Mizoram chungchang an sawi ho a ni. He ruahmanna hnuaiah hian Kohhran leh khawtlanga HIV dona kawnga chak leh zuala hmalak dan tur tur leh anmahni dawr dan turte, Aizawl pawn district hrang hranga HIV dona lama hnathawh tih chak dan tur leh bawh bik neia hmalakna, Targeted Intervention hnuaia inchiu \hinte leh hmeichhia mahni inzuar \hinte enkawlna tih chak dan tur te bakah ART damdawi semchhuahna leh thisen test-na lam tihchak dan turte a tel a, hei hi kum 2019-20 chhung atana hman tura tih a ni.
He hmalak dan tur sawi honaah hian NACO leh CDC houtte bakah FHI360, SHARE India, I-TECH team leh NETSU lam a\anga HIV dona kawnga thawktu mi 14 an lo kal a, tunkar chhung hian Aizawl, Champhai leh Kolasib District-te tlawhin thil awm dan an enfiah dawn a ni.
