Mizorama Free Movement Regime Union Home Ministry-in khuahkhirh dawn

Union Home Ministry chuan Mizoram-a India leh Myanmar inkal pawhna dan hman lai chu khuahkhirh a ni dawn tih a sawi. Mizorama Myanmar ramri, km 404-a thui hi ram pahnih tan hian km 16 chin chu zalen taka inkalpawh theih a ni a, hei hi Home Ministry chuan ram pahniha hel pawl hrang hrangte leh silai leh ruihhlo tawlh ruk chingten an hman sual theih avangin khuahkhirh \ha a ti niin Mizoram sorkara Additional Secretary (Home), Pu Lalbiakzama chuan a sawi a ni. Home Ministry chuan ramri chungchanga thil awm dante chipchiar taka report turin Mizoram sorkar hi a hriattir a, Union Home Minister Rajnath Singh chuan Mizoram a tlawh \um khan Free Movement Regime hi khuahkhirh deuh turin sorkar hotute a lo hrilh tawh a ni. Puan tawh angin Mizoram sorkar chuan state chhungah Rohingya Muslim ral tlan an la awm loh thu a lo sawi tawh a, Lawngtlai District chhunga Arakan mi, 170 vel lo lut pawh an let leh tawh niin a sawi.