Mizorama doctor rual, Indian Medical Association Mizoram State Branch, pawhin Meghalaya Chief Minister Conrad Sangma hi lehkha thawnin, Dr John L Sailo Ryntathiang hi thinlung takin an sun tih an hrilh a. A dam chhung zawngin Meghalaya mipuite tan hna a thawk a ni an ti a, zahawm tak leh thlamuang taka thlahliam tur a nih laia, a ruang a hnawng chuan an rilru a ti na hle tih an an sawi.

Mizorama doctor rualte hian hri leng mek covid-19 kai te thin hrikna thleng \hin ti bo tura \anlak \ul an tih thu te, mitthi ruang chu him taka sawngbawl theih a nih dan leh zahawm taka thlahliam theih a nih dan te mipuite zirtir \ul an tih thu Meghalaya Chief Minister hnena lehkha an thawnah hian an ziak a ni.

Meghalaya-a coronavirus thihpui hmasa ber, Mizo zinga he hri leng thihpui hmasa ber ni bawk Dr John Sailo hi vawiin khan Shillong-ah vuiliam a ni.