Tunkat ningani lehzirtawpni pawh khan Sakawrdai leh a chhehvel khuate tan special clinic hi bautsaih niin, hetah hian Doctor 29 leh anmahni puitu engemawzatin mi 2,392 te hriselna dinhmun an enfiah sak a ni. Heng mi an ente hi Mizorama khaw 14 leh Mizoram pawn a khaw 2 a\anga lo kalte an ni a, damlo an ente chu a thlawnin damdawi an pe nghal zel a, damlote chu an taksa mamawh a zir zelin Endoscopy, Ultrasound leh Laboratory investigation hrang hrang a thlawin an tih sak nghal bawk. Special clinic-ah hian kala lungte awm, pumpui cancer, thin cancer, mita lungte awm, chhul bawk, mit naute paw, ruh leh tha \ha lo, beng hriatna \ha lo leh natna dang engemawzat hmuhchhuah an ni tawh a, chung mite chu an inenkawl zui dan tur kawhmuh nghal an ni a, a hmunah zai tenau engemawzah tihsak nghal ni tawh bawk.
