Statistical Handbook 2018-in a tarlan danin, kum 2011 chhiarpui angin Mizoram pumah mihring 1,097,206 an cheng mek a, heng zinga 5,55,339 chu mipa an ni a, 5,41,867 chu hmeichhia an ni. Kum 2001 chhiarpui leh 2011 chhiarpui inkara Mizorama cheng punna hi zaa 23.48 a ni a, kum 1951 a\anga chhiarin, kum 10 bi dan zela Mizorama mihring pun dan chu kum 2011-ah a hniam ber a, kum 1971 leh 1981 inkarah mihring punna sangberin zaa 48.55 a tling. Mihring pun chakna ber Lawngtlai District-ah chuan mihring 1,17,894 an awm a, heng zinga 60,599 chu mipa an ni a, 57,295 chu hmeichhia an ni. Hetihlai hian Siaha District-ah chuan mihirng punna a tlahniam thung a, kum 2001 aia 2011 chhiarpuia mihring cheng chu zaa 7.34 in an tlem zawk a ni.
Mizoram khawpui Aizawl-ah chuan mihring 4,00,309 an awm a, mipa aiin hmeichhia an tawm zawk a, mipa 1,99,270 an awm laiin hmeichhia 2,01,039 an awm a, mipa 1000 zelah hmeichhia 1009 awm ang an ni.
