Mizorama dan lova Chakma khaw din hrang hrang te kumin June ni 30 ral hmaa \hiah vek a ni hloh chuan a \ul anga hmalak an tum tih MZP President Pu L Ramdinliana Renthlei in a sawi. Vawiina Aizawl Press Club-a chanchinbumite a kawmnaah he thu hi a sawi a, Pu L Ramdinliana Renthlei chuan, RTI dan hmanga zawhna LAD in an chhannaah kum 2013 khan dan lova Chakma khaw din 23 a awm tih a sawi a, kumin a RTI hmang veka an zawhna LAD in a chhan danin dan lova khaw din 14 a awm tih a sawi a, a hma aiin khaw 9 in a tlahniam nia sawiin khaw awm ta lo te hi sorkarin a \hiat nge a pawm tih chu an zawhna a nih thu a sawi. Pu L Ramdinliana Renthlei chuan, kum 2013 a dan lova Gurusora khaw dinah in 16 chiah a awm a, tun dinhmunah in 33 a awm tawh a ni a ti a, khaw dang dan lova din engemawzatah pawh in hi a pung zel tih sawiin heng hmunah te hian Bangladesh a\angin Chakma an pem lut \hin niin a sawi a, heng dan lova khaw din chungchangah hian sorkarin engangin nge hmalak a tum tih an zawt tih a sawi. Pu L Ramdinliana chuan, CADC huam chhunga Chakma pun chak dan chu a rinhlelhawm hle tih a sawi a, ven a nih loh chuan Mizoram leh hnam tan a him lo thei nia an hriat thu sawiin dan lova rawn pem lut Chakma te zawng chhuak turin Mizoram Sorkar leh Sorkar laipui an phut tih a sawi. Pu L Ramdinliana Renthlei chuan, CADC huam chhunga Mizo awm te leh khaw awm ten nasa takin harsatna an tawk niin a sawi bawk a, Council atanga hamthatna dawn tur awmah te hrek an ni \hin niin a sawi bawk. ————–
Vawiin a Central YMA Hall-a Central YMA hruaitute leh Aizawl khawpui chhunga Retailer-te \hukhawm in, Mipui ten Ration Buhfai buk dik tak an dawn theih nan a \ul anga thawhho an remti.
Central YMA leh Aizawl khawpui chhunga Retailer-te Joint Meeting hi Central YMA President Pu Vanlalruata’n a kaihruai a. Mipui ten Ration Buhfai buk dik tak an dawn theihna tura harsatna awm te leh a sutkian dan tur te an sawiho hnuah resolution an pass a. An resolutions-ah chuan Mipui ten ration buhfai buk dik tak an dawn theih nan a \ul anga thawhho an remtih thu leh Buhfai buk dik sem a nih theihna tura kawng daltu leh thil diklo titute chu a \ul anga beihho zel an remtih thu te, Sorkar Kudam, Muanna Veng a\anga Buhfai lak chhuah dan chu enzui ngai nia an hriat thu leh a buk tling lo sa a mipui chan tur lak chhuah a ni \hin nia sawi chu \ha lo an tih thu te, thil diklo chu chhui zui \ha an tih thu te an tarlang a ni. Inkawm honaah hian
Aizawl City Area Retailer Association President Pu R. Lalchungnunga leh Secretary Pu C. Malsawmdawngliana te bakah an member \hahnem tak an tel a ni.
