Zoram Medical College-in COVID 19 hrileng mek chungchanga mipuiten chanchin thar an hriat zung zung theih nana SRHF – ZMC COVID 19 Task Force Bulletin a tihchhuaha tarlan a nih danin, Mizoramin COVID 19 vei leh vei lo endikna, Laboratory a neih ve theih nana hmalakna chu chak taka bawhzui niin, hemi atan hian Indian Council of Medical Research (ICMR) nen \ang dunin hmalak zel a ni a. ICMR duh danin, Laboratory tur hi siam mek a ni a, Mizoram sorkar-in Laboratory neih a nih theihna tura hmala tura Committee a din, Core Committee on Setting up of COVID 19 Testing Laboratory in Mizoram hmalaknain Laboratory bungrua senghawi a, a \ul anga thawk turin Volunteer engemawzat ruat an ni tawh a ni.
He Bulletin-in a tarlan danin, Mizorama COVID 19 hrik kai hmuhchhuah tawh tuna Falkawn State Referral Hospital ICU-a enkawl mek leh he hrileng kaihhnawiha damdawi ina enkawlte pawh tun dinhmunah chuan ngaihtuahawm an ni lo a. Ruahman lawk angin ZMC-a thawkSenior Residents, Medical Officer, Junior Residents, Ward Superintendent, Driver leh Group D thawktu zawng zawng chu COVID 19 chungchangah vawiin khan Training pek an ni bawk.
Indian Medical Association, Mizoram State Branch chuan State Referral Hospital-a hman turin Hand Sanitizer Litre 50 an pe a, RIPANS Staff Welfare pawhin Litre 25 an pe bawk.
