Health Department leh Public Health Foundation of India tangkawp buatsaihin nimin khan Aijal Club-ah Mizorama Cancer natna tihtlem dan tur mithiamten an sawi ho. Sawihona hmanpuitu Health Minister, Pu Lal Thanzara chuan, Mizo mipuiten Cancer natna chungchang an hriatchian lehzual theih nan inzirtirna tha zawk nei tura hmalak tum a nih thu a sawi a, Cancer veite enkawlna Zemabawka Regional Care Centre chu Tertiary Care Cancer Centre-a hlankai a nih tawh thu a sawi. Sawi honaah hian State Cancer Expert Committee din rawtna te, kumin chhunga Cancer natna chungchang mipui hnena zau zawka zirtir rawtna leh Mizoram State Cancer Institute chu Comprehensive Cancer Care Facility (Superspeciality Cancer Hospital) a hlankai a nih theihna tura hmalakna tur hrang hrang te sawi ho a ni. Health Secretary, Pu Lalrinliana Fanai kaihhruai he sawi honaah hian Health Department, National Health Mission, Mizoram State Cancer Institute leh Public Health Foundation of India hotute an tel a ni.
