Village Council Conference hi Pachhunga University College Auditorium-ah neih chhunzawm a ni a, Rural Development Minister chuan Village Council-te chu khawtlang neitu tak tak an ni tih sawiin an thlawpna tel lo chuan sorkarin mipuite tana ruahmanna a siamte a hlawhtling zo lo fo a ni a ti a, khawtlang tana an hmalakna leh sorkar hmalakna an kalpuite fel taka chhinchhiah \hin turin a chah a ni.
Village Council Conference ni hnihna hi SIRD&PR Director Pi Maria CT Zuali’n a kaihruai a, MGNREGA, Gram Sabha, Faina leh Khawtlang hmasawnna kawnga hma lak dan chungchangte an zirho a ni. Rural Development Minister hian Village Council hnathawk \hate hnenah lawmman a hlan bawk a, Chiahpui VC ten lawmman pakhatna an dawng a, Khawlailung VC leh Darlawng VC ten an dawt a ni.
